Hurmatli foydalanuvchilar! Retsept matnlaridagi so’zlarda xatolar bo’lsa uzr so’raymiz.
Lavashdan tovuq va eritilgan pishloqli gazak juda tez tayyorlanadi, mahsulotlar esa juda oddiy! Va bu naqadar mazali! Mana shunday lavash retseptini qo’shnilardan ko’rib, so’rab oldik. Lavashdan tayyorlangan gazak sizga birinchi bo’lakdan yoqadi!
Mahsulotlar
Tovuq ko’krak (file) — 200 g
Eritilgan sariyog’li pishloq — 200 g
Yupqa lavash (30×30 sm o’lchamda) — 2 dona
Mayonez — 2 osh qoshiq
Petrushka ko’katlari — 1 bog’
O’simlik moyi — qovurish uchun
Tuz — ta’bga ko’ra
Mahsulotlardan hammasi, eritilgan sariyog’li pishloqdan tashqari, doim uyda bor. Go’shtni oldindan tuzli suvda 30 daqiqa davomida qaynatib pishiramiz.
Tovuq go’shtini tolalarga ajratib, mayda qilib to’g’raymiz.
Tovuq go’shtiga pishloq, mayonez va ko’katlarni qo’shamiz. Yaxshilab aralashtiramiz.
Lavash varag’iga go’shtli, pishloqli va ko’katli aralashmaning yarmisini qo’yib, bir tekisda yoyamiz, bir chetidan 3 sm bo’sh qoldiramiz.
Lavashning chetini mayonez bilan surtamiz.
Lavashni ichidagi aralashma bilan birga qattiq qilib o’raymiz. Qolgan lavash va aralashma bilan ham xuddi shunday qilamiz. Tovuq va pishloqli lavash rulolarini paketga o’rab, 30 daqiqa dam beramiz, shunda lavash namlanadi.
Lavash rulolarini 2 sm bo’laklarga kesib, har ikki tomonini ozgina moyda qovuramiz.
Bunday gazak issiq holda ham, sovuq holda ham yaxshi! Asosiy taomni hali berishmaganida yoki go’sht ko’mirda qovurilayotganida, bunday tez tayyorlanadigan retsept haqiqiy topilma!
