Mega shokoladli va mega mazali pechenye! 😉
Mahsulotlar
Sariyog’ — 100 g
Tuxum — 2 dona
Shakar — 160 g
Un (yuqori nav) — 150 g (250 ml hajmli stakan)
Qabartma — 1 choy qoshiq
Kakao kukuni — 50 g
Vanilinli shakar — 10 g
Tuz — 1 chimdim
1. Katta idishda yumshoq sariyog’, shakar, vanilinli shakar va tuzni bir hil holatga kelguncha aralashtiring.
2. Tuxum va kakaoni qo’shing, yana aralashtiring.
3. Qabartmani elangan un bilan aralashtirib, xamirga qismlab qo’shing, har safar yaxshilab aralashtiring.
4. Tayyor xamirni bir necha soatga muzlatgichga qo’ying.
5. Xamirni yong’oq kattaligida dumaloqlab, pergament qog’oz bilan qoplangan pishirish varag’iga 5 sm masofada joylashtiring.
6. Pechenyeni 180 daraja haroratda 15 daqiqa davomida pishiring.
7. Tayyor shokoladli pechenyeni ehtiyotkorlik bilan likopchaga o’tkazing va sovushini kuting.
Yoqimli ishtaha!
